Հաճախ տրվող հարցեր

Հայաստանի
Սկսնակ Լիդերներ
ծրագիր
Հայաստանի շրջանավարտների
մասնագիտական
զարգացման ծրագիր
- Ծրագրի մասին
- Պայմաններ և դրույթներ
Շուտով Հայաստանի ապագայի
տեսլականներ
նախաձեռնություն
Մեր մասին
Հաճախ տրվող հարցեր
Նորություններ
և իրադարձություններ

Գլխավոր / Հաճախ տրվող հարցեր

Հաճախ տրվող հարցեր

«Հայաստանի սկսնակ լիդերներ» ծրագիրը նպատակ ունի առաջարկել կրթաթոշակներ սկսնակ լիդերներին՝ զարգացնելու նրանց առաջնորդական կարողությունները

«Հայաստանի սկսնակ լիդերներ» կրթաթոշակը ԲՈՒՀ-երի շրջանավարտների համար հատուկ մշակված ծրագիր է, որի նպատակն է զարկ տալ նրանց կարիերայի վաղ մեկնարկին և նպաստել նրանց կարողությունների ամբողջական բացահայտմանը՝ դառնալու ապագա լիդերներ մեր գործարար համայնքի և ազգի համար:

Կրթաթոշակի համար կարող են դիմել այն ուսանողները, ովքեր ցանկանում են շարունակել իրենց ուսումը Հայաստանի 7 բուհերից որևէ մեկի մագիստրատուրայում, ինչպես նաև այն ուսանողները, ովքեր արդեն իսկ մագիստրոսական ծրագիր են անցնում Ծրագրում ներառված 7 բուհերից որևէ մեկում:

Հայաստանի ամերիկյան համալսարան;
Հայաստանի պետական տնտեսագիտական համալսարան;
Հայաստանում ֆրանսիականհամալսարան;
Հայաստանի ազգային պոլիտեխնիկական համալսարան;
Հայ-ռուսական (Սլավոնական) համալսարան;
Երևանի պետական համալսարան;
Ճարտարապետությանև շինարարության Հայաստանի ազգային համալսարան:

Կրթաթոշակին դիմելու համար դիմորդից պահանջվում է ներկայացնել հետևյալ տեղեկություններն ու փաստաթղթերը՝

Համալսարանի անվանումը, որտեղ դիմորդը պատրաստվում է անցնել մագիստրատուրա;
Համալսարան ընդունված լինելու փաստը հավաստող տեղեկանք կամ վկայական, որը կհաստատի, որ ուսանողն ընդունվելու գործընթացում է;
Համալսարանի անվանումը, որտեղ պատրաստվում եք սովորել մագիստրատուրա;
Մագիստրոսական ծրագրի անվանումը;
Հիմնավորող նամակ, որը պետք է ներառի.

→ Հիմնավորում, թե ինչու եք ցանկանում ստանալ կրթաթոշակը,
→ Որևէ փորձառություն կամ պատմություն, որտեղ հանդես եք եկել որպես լիդեր և/կամ բացատրություն, թե ինչու եք համարում, որ այս հնարավորությունը կօգնի Ձեզ դառնալ ոլորտի առաջնորդ;

Ինքնակենսագրական (CV), որը կներառի բակալավրիատի միջին որակական գնահատականը` ՄՈԳ (GPA);
Կոնտակտային հեռախոսահամար և էլ. հասցե:

Նշված մագիստրոսական ծրագիրը պետք է ներառված լինի վերը թվարկված յոթ համալսարանների ցանկում:

Կրթաթոշակին դիմելու համար դիմորդը չպետք է լինի միաժամանակ մեկ այլ կրթաթոշակային ծրագրի շահառու:
Նախորդ տարվա ծրագրի շահառուները ընթացիկ ուս․տարվա կրթաթոշակային ծրագրին մասնակցել չեն կարող։ Վարձավճարի փոխհատուցումը շարունակելու համար նրանք պետք է պահպանեն 3․0 ՄՈԳ (GPA):

Կրթաթոշակին դիմելու հայտերն ընդունվում են մինչև օգոստոսի 1-ը։

Կրթաթոշակներ ստանալու են ընտրված 10 (տասը) մագիստրոս ուսանողները։

Բոլոր դիմումները քննելու է Ներքին հանձնաժողովը: Մասնակիցները կտեղեկացվեն արդյունքների մասին էլ. փոստի միջոցով մինչև օգոստոս ամսվա ավարտը։ Ներքին հանձնաժողովի անդամները, որպես գնահատման վերջնական փուլ, անհատական հարցազրույց կանցկացնեն բոլոր 10 (տասը) հաղթողների հետ:

«Հայաստանի շրջանավարտների մասնագիտական զարգացման» ծրագիրը նախաձեռնվել է բացահայտելու միջազգային մեծ հեռանկար ունեցող ուսանողներին Հայաստանում: Ընտրված թեկնածուներին Ծրագիրն ապահովում է մասնագիտական փորձ Հայաստանում և դրանից դուրս՝ «Corporación America Airports» միջազգային ցանցի ընկերություններից որևէ մեկում: Այնտեղ փորձ ձեռք բերելուց հետո մասնակիցը վերադառնում է Հայաստան՝ մասնագիտական աճն այստեղ շարունակելու:

Ծրագրի հիմնական նպատակը բարձր ներուժ ունեցող թեկնածուների զարգացումն է՝ նրանց տրամադրելով ինչպես տեղական, այնպես էլ միջազգային աշխատանքային փորձ և նախապատրաստելով կազմակերպության շրջանակներում ապագա ղեկավար դերերի համար։

Ծրագիրը նախատեսված է մոտիվացված հայ շրջանավարտների և աշխատանքային գործունեության վաղ փուլում գտնվող մասնագետների համար, ովքեր ցանկանում են ձեռք բերել միջազգային փորձ և զարգացնել իրենց կարիերան Հայաստանում։ Դուք կարող եք համապատասխանել ծրագրին, եթե՝

ունեք ՀՀ քաղաքացիություն կամ հայկական ծագում և ապրում եք Հայաստանում կամ արտերկրում;
հանդիսանում եք նորավարտ կամ կարիերայի սկզբնական փուլում գտնվող մասնագետ ճարտարագիտության, ճարտարապետության կամ բիզնեսի հետ առնչվող ոլորտներում;
ազատ տիրապետում եք անգլերեն և հայերեն լեզուներին;
ներգրավված չեք Ծրագրի կազմակերպման կամ մասնակիցների ընտրության գործընթացում և չեք հանդիսանում գործող աշխատակցի անմիջական ընտանիքի անդամ։

Այո՛։ Արտերկրում բնակվող հայերը կարող են դիմել Ծրագրին՝ պայմանով, որ պատրաստ են տեղափոխվել Հայաստան և լիարժեք մասնակցել ծրագրի բոլոր փուլերին, ներառյալ՝ ներգրավման (onboarding) գործընթացը, միջազգային գործուղումը և ծրագրի ավարտից հետո տեղակայումը։

Ծրագիրը բաց է նորավարտ մասնագետների կամ կարիերայի վաղ փուլում գտնվող մասնագետների համար, ովքեր ունեն կրթական պատրաստվածություն ճարտարագիտության, ճարտարապետության կամ բիզնեսին առնչվող ոլորտներում և ունեն բակալավրի, մագիստրոսի, MBA կամ համարժեք աստիճան։

Ո՛չ։ Գործող աշխատակիցները չեն կարող դիմել Ծրագրին, քանի որ ընկերությունը աշխատակիցների համար առաջարկում է այլ փոխանակման և զարգացման ծրագրեր, որոնք հատուկ նախատեսված են ներքին աշխատակիցների համար։

Այո՛, դիմելու փուլում պարտադիր է ներկայացնել «LinkedIn»-ի պրոֆիլի հղումը։ Ընտրական փուլ անցած թեկնածուներից հետագայում կարող է պահանջվել ներկայացնել նաև իրենց ինքնակենսագրականը (CV)՝ ընտրության գործընթացի շրջանակում։

Դիմումը ներկայացնելուց հետո այն կդիտարկվի Ընտրող հանձնաժողովի կողմից։ Հարցազրույցների, գնահատման կամ ընտրական գործընթացի այլ փուլերին կմասնակցեն միայն նախապես ընտրված (shortlisted) թեկնածուները։

Բոլոր դիմումները դիտարկվում են Ընտրող հանձնաժողովի կողմից։ Հանձնաժողովի կողմից կայացված որոշումը վերջնական է և ենթակա չէ բողոքարկման։

Մասնակիցները կլինեն մինչև մեկ (1) տարի տևող միջազգային գործուղման մեջ՝ «Corporación América Airports» ընկերության արտասահմանյան ստորաբաժանումներից մեկում, որը կարող է գտնվել Արգենտինայում, Բրազիլիայում, Էկվադորում, Իտալիայում կամ Ուրուգվայում։

Ծրագիրն առաջարկում է մրցունակ վարձատրություն և աջակցություն միջազգային գործուղման ընթացքում, ներառյալ՝

միջազգային ավիատոմսերը;
վիզայի և հարակից վճարումները;
միջազգային գործուղման ընթացքում կեցության ծախսերը։

Անհատական ծախսերը, ինչպիսիք են՝ հանգստի նպատակով ուղևորությունները, անձնական գնումները և Ծրագրի հետ չառնչվող այլ ծախսերը հոգում է մասնակիցը։

Ո՛չ։ Միջազգային գործուղման վայրը որոշվում է բիզնեսի կարիքներից և գործառնական առաջնահերթություններից ելնելով, ուստի մասնակիցները չեն կարող ինքնուրույն ընտրել երկիրը:

Այո՛։ Ծրագրին մասնակցելը միջազգային գործուղման ավարտից հետո ենթադրում է Հայաստան վերադառնալու պարտավորություն՝ շարունակելու մասնագիտական զարգացումը և տեղական մակարդակում կիրառելու ձեռք բերած միջազգային փորձը։