Ամփոփվել է «Հայաստանի սկսնակ լիդերներ» ծրագրի հերթական փուլը, որի արդյունքում ընտրվեցին այս ուսումնական տարվա լավագույն դիմորդները՝ արժանանալով կրթաթոշակների։

Ծրագիրն ուղղված է երիտասարդ մասնագետների ակադեմիական և մասնագիտական առաջընթացին՝ նրանց ընձեռելով հնարավորություն շարունակելու ուսումը մագիստրատուրայում՝ Հայաստանի հեղինակավոր բուհերում։

Ընտրված մասնակիցները ստանում են ոչ միայն կրթության ֆինանսական աջակցություն, այլև կարևոր խթան՝ իրենց կարողությունները զարգացնելու և ապագա հաջողություններին հասնելու համար։

Շնորհավորում ենք մեր այս տարվա հաղթողներին և մաղթում արդյունավետ ուսումնառություն ու նոր ձեռքբերումներ։